Ծառայության պայմաններ

1. Ընդհանուր դրույթներ

«Ընկեր Դոլֆի» ծառայությունը (այսուհետ՝ Ծառայություն) տրամադրվում է Ա/Ձ Նարեկ Բաբայանի կողմից։ Օգտվելով Ծառայությունից՝ դուք համաձայնում եք սույն պայմաններին։

2. Ծառայության նկարագրություն

Ընկեր Դոլֆին արհեստական բանականությամբ (AI) աշխատող ուսումնական օգնական է, որ ուղղորդում է 1-12-րդ դասարանների աշակերտներին տնային աշխատանքների կատարման ընթացքում։ Ծառայությունը տալիս է հուշումներ և ուղղորդում, ոչ թե պատրաստի պատասխաններ։ Դոլֆիի պատասխանները գեներացվում են արհեստական բանականությամբ և կարող են երբեմն անճշտություններ պարունակել։

3. Հաշիվ

Ծնողը ստեղծում է հաշիվ և պատասխանատու է իր ու իր երեխաների հաշվի անվտանգության համար։ Հաշիվ ստեղծելու համար անհրաժեշտ է վավեր էլ. փոստ։

4. Վճարումներ և բաժանորդագրություն

Անվճար տարբերակը թույլ է տալիս օրական 5 հարց։ Ամսական 5000 ՀՀ դրամ բաժանորդագրությունը տալիս է անսահմանափակ հասանելիություն ընտանիքի բոլոր երեխաներին։ Վճարումները կատարվում են Ameriabank-ի անվտանգ վճարման համակարգի միջոցով։

5. Չեղարկում և վերադարձ

Բաժանորդագրությունը կարող եք չեղարկել ցանկացած պահի ձեր հաշվի էջից։ Չեղարկումից հետո հասանելիությունը շարունակվում է մինչ ընթացիկ վճարված ժամանակահատվածի ավարտը։ Վճարված գումարը վերադարձման ենթակա չէ։

6. Պատասխանատվության սահմանափակում

Ծառայությունը ուսումնական օժանդակ գործիք է և չի փոխարինում դպրոցական կրթությանը կամ ուսուցչին։

7. Կապ

Հարցերի դեպքում՝ [email protected]